ගාල්ල දිස්ත්‍රික්කයේ ප්‍රාදේශිය ලේකම් කොට්ඨාස 22 ක් අතුරින් ගාල්ල නගරයට ආසන්නයේම අක්මීමන ප්‍රාදේශිය ලේකම් කොට්ඨාසය පිහිටා ඇත. නැගෙනහිර දේශාංශක 80⁰ - 13' හා 80⁰ - 24 අතරද උතුරු අක්ෂාංෂක 06⁰ - 01 හා 06⁰ - 07' අතරද අක්මීමන ප්‍රාදේශිය ලේකම් කොට්ඨාසය පිහිටා ඇත. උතුරින් බද්දේගම ප්‍රාදේශිය ලේකම් කොට්ඨාසයටද, ඊසාන දෙසින් යක්කලමුල්ල ප්‍රාදේශිය ලේකම් කොට්ඨාසයටද, නැගෙනහිර දෙසින් හබරාදූව ප්‍රාදේශීය ලේකම් කොට්ඨාසයටද, බටහිර හා නිරිත දෙසින් ගාල්ල කඩවස් සතර ප්‍රාදේශීය ලේකම් කොට්ඨාසයටද , වයඹින් බෝපෙ පෝද්දල ප්‍රාදේශීය ලේකම් කොට්ඨාසයටද මායිම්ව පිහිටා ඇත.

අක්මීමන ප්‍රාදේශිය ලේකම් කොට්ඨාසය අක්මීමන මැතිවරණ කොට්ඨාසයට අයත් වේ.මෙම ප්‍රාදේශීය ලේකම් කොට්ඨාසය හෙක්ටයාර් 6437 කි.වර්ග කි.මී 64 කි.පරිපාලන වශයෙන් ග්‍රාම නිලධාරී කොට්ඨාස 63කින් සමන්විත වන අතර එයට ගම් 159 ක් පමණ අයත් වේ.ගාල්ල දිස්ත්‍රික්කයෙ මුලු භූමි ප්‍රමාණයෙන් 4% ක් මෙයට අයත් වේ.